أهلا وسهلا بكم في منتدى شباب بطاش نتمنى لكم اجمل الاوقات برفقتنا وان ينال موقعنا اعجابكم ... طه حسين










 
الرئيسيةالرئيسية  مكتبة الصورمكتبة الصور  س .و .جس .و .ج  بحـثبحـث  قائمة الاعضاءقائمة الاعضاء  المجموعاتالمجموعات  التسجيلالتسجيل  دخولدخول  
-------
إضغط علي شارك اصدقائك اوشارك اصدقائك لمشاركة اصدقائك!
موضوعات ننصحك بقرائتها

شاطر| .
موضوعات منتدى شباب بطاش

معنى الحب

استعرض الموضوع السابق استعرض الموضوع التالي الرجوع الى أعلى الصفحة 
كاتب الموضوعرسالة

عضو ماسى
المعلومات العامة - منتدى شباب بطاش
عدد المساهمات : 221
نقاط : 522
تاريخ التسجيل : 27/07/2011
العمر : 27

مُساهمةموضوع: معنى الحب    الأربعاء أغسطس 03, 2011 6:32 pm

أقسم بالله أن لاأحرف في هاذه القصه
ولو كان حرف
قصة واقعية أرجو ا من كل من يقراْ هذه القصة أن يساعد على
نشرها خاصتاً بين الشباب والفتيات للإستفاده منها بها
ومعرفة معنى العلاقه المشروعة والعلاقة الغير المشروعة
.








خالد عمره 24
سنة يدرس علوم وإقتصاد بالرياض . من
هواياته الرياضة سماع الموسيقى والأنترنت ولاكن فيه هوايه غريبة
لخالد وهي ( البنات ) يموت يموت بشي اسمه جنس لطيف أكيد فهمت أخوي القارئ غلط لاكن هو يقدر الجنس هذا مو تقدير جنسي لا تقدير شكلي ومعنوي للنساء .



المهم الشخص هذا
تعرف على بنات كثر شعر الراس وفي يوم من
الأيام تعرف على بنت طول معها أكثر من ستة شهور وهاذا شي غريب لأن خالد لايمكن يكمل أكثر من شهرين مع الوحدة وينساها ويشوف غيرها أو يخترع
أي مشكله علشان ينفصل منها أو يكرها فيه
.



لمن طول مع العنود أكثر من ستة شهور البنت تعلقت فيه تعلق غير
طبيعي لسبب بسيط خالد مايحب يقابل كثير ( يعني مخلي
البنت على كيفها )



(
أهتم بالبنت بشكل غير طبيعي ) قربت إختبارات خالد وفتح
موضوع الإنفصال عن العنود وقطع
العلاقة بأسرع وقت ومن دون سابق إنذار وبدون سبب



البنت رفضت الشي هاذا بشكل قوي وكانت بتنهبل لاكن خالد اصر على
رايه وله أسبابه طبعاً بحكم أنه كان
محدد مبداء العلاقة من البدايه وكان قايلها ان النهايه
بتكون سريعة وبدون أسباب ( صريح ) قطع العلاقة وحاولت البنت تتواصل معه بأشكال عدة عن طريق خوياتها أخوياه مافي فايده أرسلت رسالة له ودقق معي أخوي القارء في الرسالة دقق



قالت ( روح
ياخالد وأنشالله تذوق الي انا ذقته مو أكثر ) دقق أخوي القارء لأنك بتتذكر الكلام
هاذا في نهاية القصه .



مشت الأيام وخالد ترك البنات والعنصر النسائي نهائياً
ونسى السالفه ونسى العنود وكل الي قبل العنود
مرت الأيام ومرت أوقات .



معروف عن خالد يحب البس والجنتلة والإهتمام بمضهرة صحيح
خالد ولد اسمر لاكن الإهتمام بالمضهر شي جميل كل
خميس وجمعة خالد بالأسواق يبي فنيله بدي جنز قوي أخر
جزمة ونتو بكرامه نازلة ومع انه من عائلة بسيطه جداً لاكن يحب التسوق لو مافي جيبة ولا ريال المهم ينزل ويتسوق ويواكب الجديد ويتعرف على الموديلات والماركات بصراحة وباختصار نقدر نسمية ( صديق البترينة
) .



هاذي معلومات
بسيطة عن خالد .



خالد كعادتة الأسبوعية نزل يلف بالأسواق يوم الخميس
الساعة 10 تقريباً وأنتها بأسواق الموسى والي ساكن
بالرياض يعرف اسواق المواسى باطريق العليا العام .



لف خالد على كل
المحلات والساعة 12 بالتقريب ألمحلات بدت تقفل .



خالد يحب الذره وخاصتاً بعد التسوق مع الببسي يعطي شي
ثاني المهم وهو يطلب وينتضر الطلب شاف وحدة على
الكرسي بالبرد أيديها على ركبها ومنحنيه وتناضر بالأرض
خالد شد انتباهه المنضر ووقف يناظر ثواني ورفعت راسها البنت وتعدلت وخالد ماقدر يشيل عينه منها البنت ناظرت فيه والمفروض ان خالد يشيل عينه منها لاكن خالد زي ماهو ( ياجبل ماتهزك ريح ) البنت أنتبهت وبادلته
النظرات .



وقالت – خير



قال – اسف



قالت – لك شي
عندي ؟



قال – أنا اسف



وكأنه مايعرف كلمه غيرها , المهم خالد انتبه بالأخير وخذا
الطلب ومشى بحكم انه مامعه سيارة أكيد بيتمشى شوي
على طريق العليا وبعدين بياخذ لموزين وبيمشي البيت
.



وهو يمشي ويناضر
بالمحلات من الخارج سمع صوت .







يقول – أنت



قال – نعم



أكيد مايبيلها
تفكير البنت طبعاً الي تنادي



قال أمري أختي



قالت معك جوال ؟



-خالد وبكل خجل
أكيد معي



خالد يفكر أنها
محتاجة الجوال تأخر زوجها أو أخوها ولاكن



قالت البنت عطني
رقمك



قال خالد
انشالله



وأول مره خالد
مايستهبل لأن الوقت كان متأخر وبيكونون موقفهم ملفت لنظر



خالد ركب
الموزين وراح البيت وكلعادة جلس على النت بعد يومين جاه اتصال

-

الو مين ؟

-

مين معي

-

أنتي المتصله
مين تبغين ؟

-

أنت صاحب هرقم
؟

-

أكيد أمري
أختي

-

انا الي
عطيتها الرقم بمجمع الموسى

-

اها أمري

-

حبيت اسولف
معك

-

تفضلي

-

مين أنت ؟

-

أنا خالد

-

عطني شوي
معلومات عنك

-

خالد من
الرياض عمري24 سنه وأدرس إقتصاد

-

أها يعني
أنسان فاهم

-

يعني مو
لهدرجة

-

طيب ممكن أكون
لك صديقة؟

-

صداقة مو أكثر
لو سمحتي خلينا واضحين

-

أوكيه شكلك
مريت بتجربه صعبه

-

لاوالله بس
أحب أكون صريح

-

طيب أدق عليك
وقت ثاني أنا مشغوله

-

طيب ممكن أعرف
منو أنتي

-

نوف

-

عاشت الأسامي

-

باي

-

باي



المهم خالد
ماأعطى الموظوع الأهمية الزايدة صحيح انه فكر لاكن مو لذيك الدرجة لآنه عارف ان
العلاقه مؤقته .



مرت الأيام وراها أيام وخالد كمل مع نوف سنه كامله
وهاذا غريب جداَ خالد تعلق بالبنت ولأغرب من هاذا أن
خالد ماشافها سنه كامله ( نادراَ تصير عند الشباب)
, نوف تعودت على خالد مانقول أنها ماتقدر تستغني عنه لاكن صار شي جميل في حياتها بحكم أنها كانت تعاني من مشاكل مع أهلها وتروح تشتكي
الخالد وخالد يوسيها .



في يوم خالد حب
يسألها أنتي وين ساكنة قالت أنا بالمصيف طيب انتي منوين قالت أنا من القصيم



نوف فكرت ان خالد يبي يقابلها ولاكن صار العكس أنبهرت
نوف وقالت وش هل الإنسان الي يتعرف على بنت أكثر من
سنه وما يطلب يشوفها



دقت عليه يوم خميس وقالت خالد انا بسافر أبي أشوفك
أرجوك خالد رفض ولاكن وبعد ترجي يالله يالله وافق خالد
خالد لبس كلعادة فنيله ماركه كاب ماركه وجنز مثل
وكلش صار تمام بس مشكلته وحده أنه مامعة خمسين عشان يروح ويرجع كان ساكن بعيد من شمال الرياض والمشوار 25 ريال تقريباً تأخر على البنت مادق عشان يحددون الموعد ولما دقت عليه وقالت وشفيك قال وبصراحه مامعي حق الموزين البنت ضحكت وقالت تعال وماعليك أنحرج خالد وقال وهو يكذب انا باخذ سيارة خويي وبجي بكره بس لآنه بيروح يودي أهله السوق



أصرت نوف وقالت تعال وماعليك , خالد توجه لنوف وهو يراجع
نفسه وده يرجع لأنه ماعنده المبلغ وخايف يتوهق مع
راعي الموزين



نوف مع خالد من طلع من البيت وهي على الجوال دلته البيت
وقف في شارع مضلم وقالتله وقف بتجيك شغاله تعطيك حق
الموزين تأخرت الشغاله وخالد بدى يتخوف لاكن فيه شي
يطمنه



الشغاله جات
الحمد لله أفتكينا من الموزين خالد مشى ورى الشغالة وهو يناضر حوله وشاف



هلبيوت ويقول في نفسه والله عالم عايشه وشايفه الدنيا دخلت
الشغاله بيت البوابه فيه تقول بوابة مجمع
مو بيت خالد جلس عند الباب وجات الشغاله وقالتله
ادخل ودخل وهو متردد ويقول لو أحد طب علي وش أسوي .



المهم دخل وهو يناضر بهل مزرعه والشجر والخير والسيارات
الي مايشوفها إلا بتخصصي المهم دخل من ورى البيت
وقالتله الشغالة أطلع فوق والحين بتجيك نوف قال طيب وهو
مايدري منوين يدخل ومنوين يطلع ولايدري منوين دخل



شاف كرسي في الصاله وجلس عليه وجلس ينتضر نوف مايدري
منهي نوف شكله اخو نوف ولا أبوها دقايق دخلت وحده
على خالد شعر جمال طول خصر بإختصار



( جمااااااااااااااال
عربي خيالي )



خالد منحرج من نوف ونوف تقريبا منحرجة وهاذا شي طبيعي
خالد في باله يقول البنت هاذي وش تبي بواحد مثلي أكيد
تبي واحد مثلها وهاذا شي طبيعي



جلسوا يسولفون شوي وقال خالد انا استاذن مع السلامه عندي
موعد المهم وخالد طالع من الباب قالت نوف جمله وهي
تمدله ضرف في يده ( خالد ماعندي أحد غيرك الله لايحرمني
منك ) خالد أبتسم إبتسامة غرابه وفكرها مجامله لدرجة أنه خذا الضرف
بدون مايدري



دق على خويه
أحمد وقاله تعال أبيك توصلني البيت ارجوك ماعندي ولا ريال جيت لواحد وضاع البوك



جاه أحمد وخذاه
ووداه البيت خالد مايدري هو في علم ولا في حلم وفتح الضرف لقا فيها رساله غرامية
وفيها الف ريال .



دق خالد على نوف وعاتبها ولاكن نوف هدة من الوضع شوي
وهدة نفسه وقالت وقت مايكون معك رجعها خالد كان
محتاج وخذاها بس إلا الأن مو داخله السالفه مخه مرت
الأيام ومقابلات اكثر واكثر وكلها إحترام وصدق هاذا من جهة خالد من ناحية نوف الله أعلم .



هاذي ثلاث سنوات
مرت على خالد ونوف عاشو فيها أحلى أيامهم



وفي يوم من الأيام تقابلوا في مطعم وطلعت نوف من شنطتها
ضرف فيه شريحة جوال عام وقالت ياخالد هاذا جوال
عام مدفوعه فاتورته أنا بطلع جدة لأن جاني نقل في
مدرسه في جده بحكم عمل ابوي وأتمنى يا خالد ماتقطعني , خالد جاته صدمه أولآ لأنه ماكان يعرف أنها مدرسة ثانياً لأنه تعلق بالبنت وماتوقع أنها بتكون حياته معها بشكل هاذا .



خالد راح لبيته
بدون مايتكلم كلمه وهو يفكر ويلعب
بجواله مره على الأسماء ومره يدخل رسايل ومره يروح
الأستديو المهم الإنسان ماعرف وش يسوي الغريب في خالد أنه إلى اللأن ماسك أعصابه يوم الإثنين بعد اسبوع من المقابله البائسه دقت نوف على خالد ولاكن من رقم بدايته 02 خالد ماقدر يرد لأنه مو متخيل أنه ماراح يشوفها دقت ثلاث أيام متواصله على خالد ولاكن خالد كان في حالة إمتحان لنفسه مابين يبيها ولا مايبيها



في اليوم الرابع
رد خالد على نوف وبدون أي
شعور وقال – نوف أرجوك اطلعي من حياتي أرجوك مابي أتعلق أكثر من كيذا ارجوك وكان يتوسل لها ولاكن نوف كانت ماسكه أعصابها وحست بحالة خالد وبجواب سريع قالت ياخالد روح لمكتب الخطوط الي على الدايري الشرقي الفرسان وعطهم رقم جوالك القديم وهم بيعطونك غرض لو لي معزه عندك روح خالد وهو متفجره أعصابه قال طيب بس أرجوك لاتدقين مره ثانيه قالت أوكيه بس لو سمحت إذا وصلت عندهم دق علي عشان أخذ جوالي العام الي أعطيتك ممكن؟ قال خالد أبشري وكل هديه جبتيها راح تاخذيها بس مين أعطيها؟



قالت فيه شخص أسمه فلان عطه رقم الجوال وهو راح ياخذ منك
الهدايا ولو سمحت يا خالد أنا
قبل ثلاث سنوات في بداية علاقتنا أعطيتك الف ريال أنا محتاجتها أرجوك عطها أشخص بحكم أن انتهت علاقتنا



خالد أنصدم مايدري وش يقول الف ريال مامعه الهدايا تسوى عشرة
الاف ريال يضحي بها عشان وحده بتروح منه وخذت وقته
وإحساسه وشعوره مايدري يكون رجل ويمشي مع إحساسه وقلبه
ولا يمشي على نظام إذا جيت رايح كثر الفضايح البنت في جده وهو في الرياض خالد جلس يفكر وفجئه لبس ودق على صديق له عزيز والله أنا محتاج الفين ريال ضروري صديقه ماقصر وأعطاه الفين والسياره خالد دخل السياره البايكه وطلع كل الهدايا وحطها بسياره لدرجة أن جيرانه فكرو أنه مسافر راح خالد لمكتب السفريات بعد المغرب ودخل السلام عليكم لو سمحتو وين مكتب عبدالطيف الهاجري دلوه المكتب راح لمكتب عبد الطيف السلام عليكم أخوي



عبد الطيف ؟

-

أمر أخوي أي
خدمة؟



سكت خالد مايدري
وش يقول وبعدين قال دقيقه وجي



طلع ودق على نوف
قال أنا في المكتب ومعي المبلغ والهدايا بدون أي نقصان وعند عبدالطيف



بكل برود وبكل
صوت قوي قالت

-

عمى عطه الرقم
وشتبي بعد أجي أعطيه رقمك ولا تبي عشره حق الموزين ؟



خالد أنصكت الدنيا بوجهه وجلس لالالالالاشعورياً على
الرصيف وخذى خمس دقايق إسترخااااااااااااء يذكر كل
الي بينه وبين نوف ومر قدامه مثل الشريط المسجل على
فديو قام خالد لعبد الطيف وأعطاه الرقم ناضر عبد الطيف بالرقم وقال



-خالد؟



- أيه خالد



- تفضل أخوي
دقايق بس شكلك تعبان



- لاوالله بس
مرهق شوي



- عمر جيب شاهي
لخالد



- يطول عمرك لو
مافيه كلافه بلاك كوفي تركي بدون سكر



- تامر أمر



شرب خالد القهوه والكاسه تتصافك بالصحن من التوتر وخيبة
الأمل عشر دقايق وجى عبد الطيف وأعطى خالد ضرف
مغلق مكتوب فيه سري ورقم دق خالد



على الرقم

-

الو

-

هلا خالد

-

مين

-

أنا نوف

-

حرام عليك
والله خلاص أعصابي تلفت منك يانوف يكفي ماجى منك والله يكفي يانوف

-

خالد حبيبي
اسمعني زين افتح الضرف



خالد جاته زي
النومه وصحى مايدري هو في أرض ولا سما .



فتح الضرف ولقى تذكر قراها الرياض _ جده _ الرياض خالد
تلخبط مايدري وش هو عليه رجع للخط ودق عليه لقاه
مغلق دق على نوف

-

نوف

-

هلا خالد قبل
ماتقول أي شي ولي يسلم قلبك أسمعني أنا عارفه أني لعبت بأعصابك لاكن ياخالد أنا قلتلك من أول ( الله لايحرمني منك ولو كان لي معزه بقلبك تعال أبيك )

-

وين أجي ؟

-

جده عندي

-

ما أقدر عندي
كليه وماني مأهب نفسياً

-

خالد تعال
وبترجع الساعة 4 الفجر تعال بس



خالد راح المطار
بعد ما وصف لخويه المكان عشان ياخذ السياره ويحطه بالمطار



نزل خالد جده في
مطار صغير مكتوم وزحمه ومايدري وش بيسوي ومخه مزحوم بالأفكار



دقت عليه نوف وقالت أنا اشوفك فيه سياره تاونكار سودا
تعال وركب مكان السواق راح خالد وركب لقى نوف راكبه
جنبه وأختها ورى وعمتها وهم كاشفين ويوزعون إبتسامات
قبل الكلام نزل خالد بسرعه ورجع المطار دقت نوف خالد وشفيك قالد ثواني وأرجع



رجع خالد ومعاه
خمس شنط وركبها في سياره وركب قالت
نوف وش هاذي يا خالد قال خالد هاذي الهدايا وهاذي الألفين حقتك كرامتي ماتسمح أكون عاله على أحد قالت أطلع ويصير خير قال لا خذي الألفين لو سمحتي وأول ما أوصل الرياض بأرسلك حق التذكره نوف خذت الألفين مع العلم أنها تطلب خالد الف لاكن إنبهارها بعزة النفس والكرامه مافكرت كم عطت خالد خالد يسوق السياره ولاكن عقله مو معه ولا يدري وش ينتضره نوف ساكته أختها وعمتها يسولفون ورى عن الكورنيش والحفلات الأيام الماضيه في لحضه وبدون سابق أنذار وقف خالد على جنب الطريق











نوف قالت

-

وشفيك وقفت ؟

-

مافي شي

-

لا فيه

-

أسمعي الأغنيه
بارادو



عبد الكريم عبد القادر ( في عيون البشر أضحك وسولف ولا
كن فيني شي ونا المجروح المجروح اااااه اااااه ياجرح
موتني وانا حي )



نوف سكتت أختها
وعمتها سكتوا وناضروا بعيون خالد خالد خنقته العبره وده يبكي ولاكن رجولته ماتسمح



نوف بكت بصوت
تنهيد وبدت تاخذ نفس ولاكن بصعوبه عمتها تقول

-

تعوذو من
الشيطان وخلونا نروح البيت وفيها الف حلال الشارع مليان ناس ولو سمحت يا خالد طفي
الرادو

-

أنشالله



راحو ا البيت
ساكنين في حي الصفا بيت جميل بوابه أجمل وقف خالد داخل البيت ونزل وقال عن أذنكم
نوف صاحت على خالد وقالت



-والله لو تتعدى
الباب الحقك



- ولو لحقتيني
ماراح يكون فيه فايده



- خالد ارجع



خالد أعطاها
ضهره ومشى وأنه مايسمع شي مع العلم أن مافي جيبه ولا ريال وين بيروح مو عارف وصل
عند المدخل الول للفله



وصرخت نوف



-خالد والله لو
مترجع لألحقك ولاكن بلحقك بشكل ثاني



خالد مطنش ويمشي
بسرعه ومو معطيها بال



-خالد أخر مره
أقولك أرجع والله الحقك ولو كلفني أني الحقك عريانه



خالد وقف وماقدر يتحرك عريانه ؟ كلمه قويه في معناها طنش
للمره الثانية ومشى ولاكن مخفض من سرعة مشيه خالد
حس أن فيه أحد يمشي وراه التفت ولقى نوف تمشي بدون
عبايه وبرضه طنش ومشى وبشكل أسرع ولاكن نوف أسرع منه وصوت عمتها أسرع



-خالد لاتفضحنا
الله يخليك



التفت خالد ولقى
نوف كشفت عن صدرها وهي تقووله والله لو ماتوقف الحقك لو تتطلع الشارع العام



خالد رجع لنوف وبسرعه والمره هاذي دمعته على خده نوف
وقفت وبتسمت أن خالد رجع وعمتها من بعيد تصوت وتقول
يامجانين خالد يمشي متجه لنوف ونوف فتحت يديها بتحضن
أغلى ماعندها



خالد قرب من نوف
ولاكن قرب أكثر بيده في وجه نوف كف؟



أيه كف نوف وقفت
عمتها سمعت صوت كف كف قوي صوته غير طبيعي نوف قالت



ليش خالد؟



مارد خالد
ونضراته كلها حيره ويقول في نفسه أنا وش سويت



نوف تقول ليش
خالد ليش



خالد أعطاها
الكف الثاني ولاكن أقوى من الأول بكثير وقال



أنا ما استاهل
أنك تتعرين عشاني



جلس خالد على الزرع وهو كله حيره عمت نوف وأختها يغطون
نوف ونوف تناضر بخالد وتقول صحيح كفك ألمني كثير
ولاكن الي ماتعرفه أن كفك عزني أكثر



ونزلت عند رجل خالد وجلست تبكي خالد نزل ضهره على الشجره
وجلس يناضر باسما ونوف تبكي عند رجله وتقول الله
يخليك لاتتركني مالي غيرك يا خالد الله يخليك أخت نوف
بصوت عالي يالله قومو أدخلوا يلعن والديكم لما أنتوا مو قد الحب ليش تحبو ؟



قوم يا خالد
أدخل قبل أحد يجي



خالد دخل وتروش وطلع اليوم الثاني وراح الرياض ومعاه
شناطه الي فيها الهدايه وجلس في البت يرجع كل شي
مكانه لقى علبه صغيره حمرى فتحها لقى فيها 15 ألف ورساله
تقول هاذي ثمن الكف أشترلك سيارة .



خالد عارف لو دق على نوف لايمكن تاخذ المبلغ المهم خالد خذى
المبلغ وفعلاً أشترى سيارة على قد الحال المهم
خالد كل اسبوع تقريباً بعد الضهر يطلع على جده وأكيد
على حساب نوف ولكلام هاذا كمل اربع شهور ودقت في يوم نوف



-خالد كيفك قلي



-هلا نوف قلبي
كيفك وكيف الأهل وأختك انصابه



-كلهم بخير



-وعمتك كيفها



- بخير الحمد
لله خالد اسمعني



-أمري قلبي



-أبيك تجي لجده
اليوم ضروري



-بس اليوم
الإثنين !



-أنا عارفه تعال
وبتعرف



-الله يستر قولي
إش فيه



-مافي شي قلبي
تعال والله شي بسيط



-أوكيه



خالد راح جده
العصر وصل والمكالمه كانت الضهر تقريباً تقابلو في كوفي شوب على الكورنيش في فندق



قالت نوف



-خالد اسمعني زين
ياقلبي وأنتبه لكلامي زين



-تفضلي أنتي
وراك شي كبير الله يستر



-خالد صحيح بينا عشره مو بسيطه وشفنى الحلو والمر مع بعض
وأنت أجمل إنسان في الكون عرفته عرفتك ياخالد
وعمرك مالمست جسمي بيدك ونيتك سيئه مايحتاج يا خالد
تعرف عن نفسك لأني عارفتك زين وكم مره أنا لمحتلك عن شي أسمه جنس ولاكن أنت كنت رافض بشكل قطعي وهاذا أن دل فهو يدل عن أخلاقك وحبك لي الي مايوصف ولايمكن يكون له حدود



-نوف أرجوك
تكلمي وقولي الي عندك بسرعه



-خالد انا
انخطبت وملكتي يوم الخميس



-متى انخطبتي
اليوم؟



-خالد لاتستهزي
أرجوك انا مخطوبه لي شهر بس ماحبيت أضايقك وزوجي من الرياض ضابط بالحرس الوطني



-كيف صار الكلام
هاذا ومتى وأنتي وش ردك



-أنا مالي كلمه وأنت عارف ابوي زين وأنا اصلاً ابي أطلع
من البيت زي أي بنت ولاكن الي مهون علي أني بسكن
جنبك بالرياض يالله يا خالد قوم أرجع الرياض أنا ما
اقدر أشوفك بهلحاله أرجوك يا خالد أنا ماني قايلتلك لاتشيل بخاطرك ولاكن خفف عن نفسك لو علشاني لو كنت أستاهل أرجوك يا خالد



خالد راح المطار
ورجع الرياض وساعتين الرحله وافنتضار مرت كأنها ثواني من كثر تفكير خالد



يوم الخميس بعد السفر الأخيره لخالد زواج نوف في الرياض
في المقصوره على طريق الملك عبدالله خالد حضر
الزواج بدون مايشعر وهو يناضر بالمعرس رجل عمره بالأربعين
أستغرب لايكون جاي زواج شخص ثاني ولاكن الزواج كان صحيح



خالد السنه كلها مرت عليه يوم يوم ساعه ساعه وثانيه
ثانيه وكأنها جمره جمره تنزل على صدره خالد حذف الترم
الأول وبعده حذف الترم الثاني مع العلم أنه كان من
عشاق الدراسه ولاكن اصدمه صعبه عليه وماقدر يتحملها أهله أستغربوا جماعته اصدقائه وأكيد جاته نصائح كثيره ولاكن بدون جدوى ولا فايده تذكر



خالد يوم الجمعه
اليوم الثاني بداية الدراسه في الكواي يكوي ملابسه يتجهز لسنه جديده ويتمنى تكون
أفضل من الي قبلها



دق الجول رقم غريب ومن طبعه رقم غريب مايرد عليه مره
ورى مره طفى الجوال من الإزعاج بعد أربعة أيام جاته
رساله خالد أنا نوف رد لو سمحت



خالد أنهبل نوف؟



فكر خالد بالسنه
الجديده وأكيد بتكون له سيئه لأنه خذى في باله أنه حضه سيئ جداً ومع ذالك خالد رد
على الجوال



-الو خالد كيفك
أنا نوف



-أمري نوف كيفك
وش أخبارك أنشالله بخير



-والله ياخالد
تعبانه والله تعبانه



نوف تفجرت بكى
خالد مايعرف وش يسوي يفكرها تكذب عليه تزوجت ضابط وأكيد جايه أطقطق عليه وجابته
الشكوك في نفس المكالمه



نوف قالت خالد انا محتاجة أشوفك ياخالد أرجوك صحيح أنا
أبعت عنك تقريبا ثمانية شهور لاكن مارحت عن بالي خالد
رفض أنه يقابلها ولاكن نوف بأسلوبها وطيبت قلب
خالد خلته يوافق بدون إقتناع الوعد يوم الأحد يكون زوجها مستلم يومين



خالد كان رافض
موضوع الخيانه لاكن مكانة نوف في قلبه وثقتة بنفسه
تحتم عليه أنه يشوفها ويسمعها بحكم انها محتاجته على كلامها



خالد راح يوم
الإثنين بعد العصر لحي الروضه بالرياض وقابل نوف
راكبه جمس فخم وسواق ركب خالد ونزل السواق قالت نوف خالد روح لبيتنا
خالد رفض ولاكن اسلوب نوف مقنع وطاوعها خلد وراحوا البيت البيت زي ماقلت في الروضه بيت فخم مايقل عن بيت نوف الي بالمصيف ولاكن أربع بيوت مع بعض الضابط متزوج ثلاث ونوف أرابعة



نوف دخلت خالد البيت بكل إطمأنان وهي تسولف وتضحك وكأن البيت
مافيه احد وفعلاُ البيت مافيه أحد لأن البيت دورين
وخاص بنوف وبس وثلاث شغالات وسواق وأكيد المواصفات
متواجده لزوجات المتبقيات



جلسو بالمجلس
نوف دخلت وجابت القهوة لخالد بحكم
أنه يحب القهوه وبعدها العصير وسولفو شوي عن فترة
الإنقطاع وخذو راحتم لأسباب أن الضابط مستلم يومين وباقي على دور نوف ثلاث أيام



خالد قال لنوف
وشفيك يانوف



-تعبانه ياخالد
والله تعبانه



-من إيش ونتي
الي كنتي راغبه الشي هاذا ماكان غصب عنك



-مابي أرجع
للماضي لأن كانت لي أسبابي



-قولي وشفيك



-خالد وش أقول
والله الي أقوله لايمكن يصدقه العقل



-قولي



-تصدق يا خالد
يجيب عندي في الببيت بنات تحت بالمجلس ويقول أطلعي فوق ويجيب شراب ويسهر عندي
بالبيت وعلى عينك ياتاجر؟؟؟



-مين؟



-مين يعني ولد
الكلب ولد الحرام زوجي أستغفر الله والله تعبت ياخالد ماني عارفه وش أقول



وجلست نوف تحكي وتشكي وتقول وخالد يناضر ويمر شريط
المعرفه للمره الثانيه نوف تبكي وتشكي وخالد يناضر نوف
متنرفزه وبائسه ومتحطمه وخالد يناضر جلسو ا أكثر من
أربع ساعات ونوف تشكي وتبكي ومرت كأنها ثواني .



نوف سكتت وقالت خالد دقيقه بروح الغرفه وبجي خالد قال
بطلع دورة المياة طلع خالد من دورة المياة ودخل
المجلس ولقى نوف لابسه لبس نوم وقالتله تعال يا خالد
ابيك بوريك شي عندي بالغرفه



خالد راح معها
وهو يفكر بمشاكل نوف وكيف يواسيها لو بكلمه



نوف دخلت خالد الغرفه والجو كان بالمره رومنسي والميوزك
الكلاسك المهم أن نوف فصخت كل ماتلبس مع أنها كانت
لابسه خفيف ونامت على السرير وقالت لخالد سو الي تبي
يا خالد الأن تقدر تتقاضى مني كل الي سويته فيك ولي سببته لك من حزن وجرح لمشاعرك سو فيني الي تبي هاذا أقل شي أقدر اسويه لك راتبي كله مايسوى ضفرك أموالي وأموال أبوي ماتسوى لحضه عشتها أنا وياك اليوم وأنت تسمعني بكل إخلاص وأنا أشتكيلك .



خالد هاذي فرصته وجات عنده ولاكن خالد حبه للبنت هاذي خلها يغطيها
ويقولها قومي ألبسي ملابسك أرجوك نوف وهي تبكي
وخانقتها العبره لبست ملابسها وقامت من السرير وأتجهت
لخالدمقابل الدالوب وقالت



خالد ليش ماخذيت
حقك مني ليش ياخالد



خالد التفت وحضن
نوف وقالها ( ليش أكون أنا ودنيا عليك ) ؟



نوف بكت بكل ماتحمل من قوه وبكل متقدر عليه من صوت وهي
تحضن خالد بكل قوتها لدرجة أن أضافرها علمت في ضهر
خالد وهي تقول حرام ياخالد حرام



نامت نوف على
صدر خالد وهي تبكي وصحت ولقت خالد نايم كملو يوهم السعيد بكل فرح مغروسه فيه جميع
أنواع الحزن .



خالد رجعت له
الحياة من جديد وبدى يرجع لحياته الطبيعية



نوف مشاكلها مازالت قائمه والإهانةمستمره من زوجها
الخسيس النذل في يوم دخل زوجها البيت وهو سكران
وتهاوشو شوي وأرتفع الصوت بينهم قدام البنات الي جابهم
النذل وبدون ماتشعر نوف لحقها النذل وضربها بالبطل على راسها وجاها نزيف حاد بالمخ وتنومت نوف نوف شهرين بالعنايه المركزه بالتخصصي وعرف خالد بالموظوع ومايحتاج أقولك أخوي القارئ عن حالته لأنك أكيد بتعرف من نفسك



نوف بعد معانات
طلت شهرين جتها نكسه حادة ودخلت بغيبوبه كامله وتوفت في يوم الخميس خمسه من شهر ذو
القعده وأرتاحت .



زوجها إلى الأن
مسجون لأن أبو نوف مو راضي يتنازل ويبي رقبة النذل ويستاهل أكثر من كيذا



ولاكن السؤوال



ماهي حالت خالد
الأن ؟



أخوي القارئ أنا اروي لك قصه واقعيه حدثت في منطقة
الرياض بالتحديد مع شاب مثلك وشابه مثلك أختي القارئه والي
يحب يتأكد يدق على خالد طبعاً
رقم نوف الي جابته لخالد هديه وأتمنى تترحموا على نوف
وتواسوا خالد




وأتمنى بعد
متقروا هرساله تدور كلمات بسيطه في عقولكم وتجربوا أنكم تفسرونها



الحب – الإخلاص –
الصدق – الإحترام – التضحية
معنى الحب معنى


اضف الى جوجل+



توقيع: دموعك نصيبك



فى الخيانة وفى الخداع كنت بطل وبميت قناع وعلى الكلام دا احب اضيف
كنت نار من جوانار ليل ومطلعلوش نهار ودورى كان دور الضعيف



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
موضوعات منتدى شباب بطاش

معنى الحب

استعرض الموضوع السابق استعرض الموضوع التالي الرجوع الى أعلى الصفحة 
كاتب الموضوعرسالة

عضو نشيط
المعلومات العامة - منتدى شباب بطاش
عدد المساهمات : 32
نقاط : 37
تاريخ التسجيل : 09/07/2011
العمر : 25

مُساهمةموضوع: رد: معنى الحب    الأربعاء أغسطس 03, 2011 8:39 pm

عندك حق الحب بقى قصص بنسمعها وبس



احنا بقينا فى دنيا من غير حب وال يحب يبقى اكبر عبيط صح



اكيد صح

اضف الى جوجل+



توقيع: وعد العيون




أشكراً لأنك تركت مكانك لمن هو "أفضل منك"... كان عليك أن تخبرني برحيـــــلك...

فقد إستضفتـــُك يوماً ما في قلبـــي ... و من واجب الضيافة عليّ أن اوصلك للباب ..!! ... الله معـــك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى بطاش العامـ :: بطاش . .متفرقاتـ حرة-

Google