أهلا وسهلا بكم في منتدى شباب بطاش نتمنى لكم اجمل الاوقات برفقتنا وان ينال موقعنا اعجابكم ... طه حسين










 
الرئيسيةالرئيسية  مكتبة الصورمكتبة الصور  س .و .جس .و .ج  بحـثبحـث  قائمة الاعضاءقائمة الاعضاء  المجموعاتالمجموعات  التسجيلالتسجيل  دخولدخول  
-------
إضغط علي شارك اصدقائك اوشارك اصدقائك لمشاركة اصدقائك!
موضوعات ننصحك بقرائتها

شاطر| .
موضوعات منتدى شباب بطاش

إحنا أسفين يا ريس

استعرض الموضوع السابق استعرض الموضوع التالي الرجوع الى أعلى الصفحة 
كاتب الموضوعرسالة

المدير العام
المعلومات العامة - منتدى شباب بطاش
عدد المساهمات : 6715
نقاط : 13127
تاريخ التسجيل : 27/05/2009
العمر : 33

مُساهمةموضوع: إحنا أسفين يا ريس   الأحد فبراير 13, 2011 12:55 pm

إحنا أسفين يا ريس


كلامي اللي جاي لكل شخص بيقول

انا اسف ياريس
وارحموا عزيز قوم ذل
ورد الجميل للرئيس القائد

انا من الناس اللي راحوا مظاهرات بتقول يسقط يسقط حسني مبارك
و من اللي نزلوا يوم 25 و28

ياريس عندي يدوب كلمتين وعاوز ااقولك اسف فيهم بجد .

انا اسف ياريس : ان اهلي علموني زي ما اهلهم ربوههم ان المشي جنب الحيط امان وان المشي جوة الحيط استقرار ...

انا اهلي قلولي من خاف سلم ونسيوا ياريس ان الموت مش هيفرق من ظابط او من سكتة قلبية او بلفافة بانجو

انا اسف ياريس لان عمري 29 سنة وقضيتهم في سكوت وخوف وضعف واستستلام

انا اسف ياريس لاني مكنتش اعرف في مصر غير رسمة اكتوبر في المدرسة كل سنة واللي كانوا بيقوله في التلفزيون عن دورك السياسي والاجتماعي

انا اسف ياريس لاني اتمردت عليك وكنت ابن عاق لاب وحضن كبير زيك ... كنت ناكر للجميل ياريس لبطل اكتوبر اللي خطط للضربات الجوية
(اللي اشك ان حد من مؤيديك قرأ اي كتاب عن حرب اكتوبر وليه الفريق الشاذلي لانهم حتي ميعرفوش مين هو الشاذلي)


انا اسف ياريس بس مكنش ينفع ان اشوف بطل اكتوبر وهو بيدخلي اكل مسرطن وقتل من الشرطة وهواء ملوث وسرقة اعضاء وتشريد و35% من اهل بلدي تحت خط الفقر ...ياريس مكنش ينفع صدقني انا


انا اسف ياريس اني كنت مقتنع بان كل قتل المسيحين كان منك وبايدك رجالتك واشوف بتضيع مني بلدي وحقي كمواطن فيه دون النظر عن ديانتي واشوف ناس
بتاخد جنب وكذلك الناس التانية وانا واقف في النص لاني رافض اسمع كلام حد غير عقلي وعقلي قالي العيب في النظام مش في الدين



انا اسف ياريس اني مقدرتش اصدق رجالتك وهما بيقولوا ان خالد سعيد بلع لفافة بانجو رغم اني معرفوش بس صوره وهو مشوهة خلتني افتكرت اني درست في مدرستي بنظام تعليمك ان البانجو مش بيشوه الوش بس هو ممكن يشوه المخ وينيمه 29 سنة ويسكته علي الظلم والعنف ده كله


انا اسف ياريس عليك انت انك تكون ضحيت عشان تحرر بلدك وتسرقها وتنهبها وتقتل شبابها اللي في يوم كانوا تحت قيادتك ومنهم استشهدوا عشان حضرتك تركب كرسي الرئاسة ياريس وكل مرة تترشح لوحدك وتقتل اكتر وتسرق اكتر وتبوظ تعليمنا وصحتنا وحياتناانا

انا اسف ياريس انا صحيح اتعلمت في مدرسة خاصة ومتعلجتش في مستشفي حكومي بس لما اشوف ناس بتموت ياريس وانت سايب ولادك يسرقوني وبتعالج الحرامية اصحابك علي حساب الدولة والاطفال بتموت في مصر عشان مستنين دور الكشف في المستشفي الحكومي


انا اسف ياريس اني خرجت عن طوعك واتظاهرت ماهو يمنفعش اعرف ان 45% من سكان بلدي في العشوائيات وانت وابنك واصحابه بتعملوا مدن وهمية بالملاين وانتم بايعين المتر بنص جنية وب5 قروش
(زي ما اصحابك و مواظفينك عملين يطلعوا كل بلاويك دلوقتي بعد تنحيك الاجباري بـ 24 ساعة)



انا اسف ياريس اني والعيال بتوع التحرير واحنا عارفين انك عضمة كبيرة ومش حمل هزة طلعنا نقولك ارحل وامشي ومرعناش عشرة عمرك معانا 30 سنة ومرعتش شيبتك ولا استنيت تخرج بكرامة مع ان ياريس
(كرامة مصر من كرامة المواطن ...ولا مساس بكرامة المواطن)

فاكر كلامك ده ياريس ؟
قد ايه كان مبهر وانا بشوف مروة الشربيني والمصري اللي اتقتل في لبنان ولا اعتقالات المصريين في السعودية والكويت واهو بنجامل بعض كاصحاب كراسي ...
ياريس لو المصري الصغير ده ملوش كرامة انا اسف اني مرعتش كرامة حضرتك
ياريس مكنش ينفع اشوف ميتين تاني مكنش ينفع حتي اسيب اصحابي يوم 25 يناير ولا 28 يناير ... مكنش ينفع صدقني


انا اسف ياريس لان معيطيتش لما حضرتك القيت الخطاب اللي كان بعد جمعة الغضب ومكلفتش خاطرك تعزي امهات الشهداء بكلمة ...عيني مدمعتش ياريس بل الاكثر انها مرمشتش ... انا فاكر اني ساعتها عيني احمرت قوي وحسيت قد ايه انت لا تصلح ان يطلق عليك انسان ...
انت رجل بلا انسانية


انا اسف ياريس اني مصدقتش وعودك الكدابة لاني جربتها انا واهلي 30 سنة ومكنش عندي استعداد الاقي ناس تانية بيتداس عليها عشان حضرتك تزود رصيدك في
البنك او عقارات ولادك واحفادك ورجالاتك

انا اسف ياريس لاني لما سمعت انك عيان بالمرض البطال (لو كان بجد) متعطفتش معاك ..مش عشان قلبي حجر ..بس عشان قلت ده مصري ولازم يتعالج كمصري بس افتكرت ياريس ان الانتظار في معهد الاورام طويل ياريس ..معرفش وصلك مع شيكات تحويل فلوس مصر ان مصر فيها اعلي نسبة سرطان ولا لا بس دي الحقيقة ...

وحضرتك قلت ان المواطن اهم ياريس ...وفيه الاف المواطنين من شعبك واقفين طوابير عاوزين علاج ومش بيلاقوا وبيموتوا في الانتظار


انا اسف ياريس اني مش قادر اسامحك ...مش قادر اشوف بلدي بتضيع بايديك واسكت وحتي لما خلاص ..مش مسامحك لاني
كل مابحاول واغمض عيني بشوف صورة سالي واحمد ايهاب وشهداء ثورة 25 يناير وشهداء العبارة

(عبارة من اللي بيغرقوا دول) وشهداء الدويقة (اللي ماتوا من عشوائيات جنابك) وشهداء نجع حمادي
وكنيسة القديسين وغيرها كنايس كتير


انا اسف ياريس اني ضيعت من وقتي ومجهودي اني اكتب كل الكلام ده وانا ورايا حاجات اهم اعملها ..ادور علي المعتقلين اللي وانت في اخر ايامك سحبتهم علي
سجونك و اشوف الناس اللي اتصابت بسبب انك رافض تخرج خروج مشرف وفضلت تقتل شعبك علي انك تسيب السلطة والكرسي
(مع اننا مكناش هنزعل لو خدت الكرسي معاك وكنا هنجيب كرسي من الهلال والنجمة)


انا اسف ياريس اني بصلي كل يوم ويتمني امنية واحدة ان ربنا يمد في عمرك ويحفظك وتعيش عشان تتحاكم في بلدك وتتسجن وتشوفنا واحنا بنعيد كل اللي
بوظته في الـ 30 سنة دول

انا اسف ياريس انك سرقت وقتلت ونهبت واشتريت بيوت وقصور بس نسيت تسال اهم سؤال لو جه يوم زي 11-2-2011 ولو فعلا تعبان ..هتعمل ايه بكل فلوس العالم وكل العز ده ... هتعرف لما تقف قدام ربنا ويفكرك بحرقة قلب كل اب وام من الشهداء وكل حد مات من الاهمال في المستشفيات واللي سابوا تعليمك البايظ واعلامك الكداب وثقافتنا الضحلة واثارنا المهربة واكلنا المسرطن وهوانا الملوث وصحتنا اللي بايظة ...

انا اسف ياريس حتي بعد ماتنيحت بالاجبار من العيال مش كنت بتقول (سابهم يلعبوا...لحد ما لعبوا في كل تاريخك) .... العيال دي نزلت ولسه بتنزل التحرير ... بتعمر وبتطالب بباقي حقوقها الشرعية كبني ادمين .... كمصريين ... كناس اخرين بطلت تخاف وعرفت ان بعد القنابل المسيلة للدموع والرصاص المطاطي والحي والبلطجية والنومة علي الرصيف في عز التلج ...ان محدش بيموت ناقص عمر

بس كلمة حق وموته افضل من عيشة في ذل ومهانة

اهداء الي : شهداء 25 يناير وكل شهداء الاهمال والعنف التي تسبب فيها الريس (المخلوع والسابق) محمد حسني مبارك









اضف الى جوجل+



توقيع: طه حسين



عندك أى سؤال عايز تسأله ليا؟
من هنا فى صفحتى وعلى الرحب والسعه

الصفحة الخاصه بـ : العضو / طه حسين


عدل سابقا من قبل طه حسين في الأحد فبراير 13, 2011 1:25 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.battash.com
موضوعات منتدى شباب بطاش

إحنا أسفين يا ريس

استعرض الموضوع السابق استعرض الموضوع التالي الرجوع الى أعلى الصفحة 
كاتب الموضوعرسالة

مشرفة المنتدى
المعلومات العامة - منتدى شباب بطاش
عدد المساهمات : 1323
نقاط : 2141
تاريخ التسجيل : 31/07/2010
العمر : 27

مُساهمةموضوع: رد: إحنا أسفين يا ريس   الأحد فبراير 13, 2011 1:07 pm

اقتباس :
اسف ياريس اني بصلي كل يوم ويتمني امنية واحدة ان ربنا يمد في عمرك
ويحفظك وتعيش عشان تتحاكم في بلدك وتتسجن وتشوفنا واحنا بنعيد كل اللي
بوظته في الـ 30 سنة دول


ءاااااااااااااااااامين

ءاااااااااااااااامين من قلبى بقولها


جميل وجزاكم الله خيرا



ربنا يشفى عنه ويطول عمره حتى يتحااااااكم

اضف الى جوجل+



توقيع: دموع تائبة

كل عام وانتم بخير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
موضوعات منتدى شباب بطاش

إحنا أسفين يا ريس

استعرض الموضوع السابق استعرض الموضوع التالي الرجوع الى أعلى الصفحة 
كاتب الموضوعرسالة

مشرفة المنتدى
المعلومات العامة - منتدى شباب بطاش
عدد المساهمات : 2840
نقاط : 5510
تاريخ التسجيل : 16/11/2010

مُساهمةموضوع: رد: إحنا أسفين يا ريس   الأحد فبراير 13, 2011 10:19 pm

اقوى الاحكام حكم الله
عز وجل
والي حصله مش قليل
ولسة حكم ربنا نافذ
سلمت اخونا العزيز

اضف الى جوجل+



توقيع: جردينيا

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
موضوعات منتدى شباب بطاش

إحنا أسفين يا ريس

استعرض الموضوع السابق استعرض الموضوع التالي الرجوع الى أعلى الصفحة 
كاتب الموضوعرسالة

المدير العام
المعلومات العامة - منتدى شباب بطاش
عدد المساهمات : 6715
نقاط : 13127
تاريخ التسجيل : 27/05/2009
العمر : 33

مُساهمةموضوع: رد: إحنا أسفين يا ريس   الإثنين فبراير 14, 2011 5:12 pm

الله المستعان
اللهم بدلنا خير منه



اضف الى جوجل+



توقيع: طه حسين



عندك أى سؤال عايز تسأله ليا؟
من هنا فى صفحتى وعلى الرحب والسعه

الصفحة الخاصه بـ : العضو / طه حسين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.battash.com
موضوعات منتدى شباب بطاش

إحنا أسفين يا ريس

استعرض الموضوع السابق استعرض الموضوع التالي الرجوع الى أعلى الصفحة 
كاتب الموضوعرسالة

مراقبة عامة
المعلومات العامة - منتدى شباب بطاش
عدد المساهمات : 966
نقاط : 5799
تاريخ التسجيل : 20/05/2010
العمر : 36

مُساهمةموضوع: رد: إحنا أسفين يا ريس   الإثنين فبراير 14, 2011 6:54 pm

اقتباس :
انا اسف ياريس لاني مكنتش اعرف في مصر غير رسمة اكتوبر في المدرسة كل سنة واللي كانوا بيقوله في التلفزيون عن دورك السياسي والاجتماعي

عندك حق يا استاذ طه كلنا اسفين على اللى راح

اضف الى جوجل+



توقيع: The pure Heart

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى بطاش العامـ :: بطاش . .للنقاشـ الجاد-

Google