أهلا وسهلا بكم في منتدى شباب بطاش نتمنى لكم اجمل الاوقات برفقتنا وان ينال موقعنا اعجابكم ... طه حسين










 
الرئيسيةالرئيسية  مكتبة الصورمكتبة الصور  س .و .جس .و .ج  بحـثبحـث  قائمة الاعضاءقائمة الاعضاء  المجموعاتالمجموعات  التسجيلالتسجيل  دخولدخول  
-------
إضغط علي شارك اصدقائك اوشارك اصدقائك لمشاركة اصدقائك!
موضوعات ننصحك بقرائتها

شاطر| .
موضوعات منتدى شباب بطاش

من تكلم يامبارك؟ الدور الأمريكي في الثورة

استعرض الموضوع السابق استعرض الموضوع التالي الرجوع الى أعلى الصفحة 
كاتب الموضوعرسالة

عضو ماسى
المعلومات العامة - منتدى شباب بطاش
عدد المساهمات : 159
نقاط : 426
تاريخ التسجيل : 09/03/2010
العمر : 31

مُساهمةموضوع: من تكلم يامبارك؟ الدور الأمريكي في الثورة   الأربعاء فبراير 09, 2011 8:58 pm

ما سألتش نفسك: ليه مبارك دايماً بيخطب في نص الليل؟
تعرف إن نص الليل هنا هو بعد العصر في واشنطن؟
سخرية القدر إن الجهة الوحيدة اللي تقدر تشيل مبارك هي نفس الجهة اللي دعمته ضدنا كل السنين اللي فاتت: أمريكا!
علشان نفهم دا لازم نعرف إيه اللي بيحصل جوا أمريكا نفسها. من ساعة ما
الحزب الديموقراطي بتاع أوباما خسر انتخابات مجلس النواب آخر السنة اللي
فاتت، طلع جون بينر رئيس مجلس النواب الجديد وقائد الحزب الجمهوري في
المجلس وأعلن إن سياسة الحزب هي استغلال الأغلبية بتاعته علشان حاجة
واحدة: هدم أي إنجاز لإدارة أوباما بهدف إسقاطه في انتخابات 2012. أول
حاجة عملها الجمهوريين هي إلغاء قانون التأمين الصحي مع إنه في مصلحة
الناس لمجرد إن أوباما هو اللي حطه وكان أهم إنجازاته.
لما قامت ثورة 25 يناير ما كانش عند نظام مبارك أي قلق: ها نقمع العيال
اللي بيتظاهروا دول زي كل مرة والحياة تمضي. الجديد إن الحزب الجمهوري
الأمريكي قرر يدخل على الخط ويستغل تعاطف الشارع الأمريكي مع الشعب المصري
في مطالبته بالحرية، واستغل الحزب القضية علشان يحط إدارة أوباما في أصعب
مأزق على الإطلاق: يا ترى يتخلى عن الديكتاتور اللي مخلي مصالح أمريكا
وإسرائيل مستقرة، وللا يلتزم بمبادئه ومبادئ أمريكا المعلنة في دعم الحرية؟
علشان كدا فضلت إدارة أوباما مترددة في الأول، وطلعت وزيرة الخارجية
كلينتون تطالب الحكومة والشعب(!!) بضبط النفس، وطلع المتحدث باسم البيت
الأبيض روبرت جيبس يقول تصريحات مالهاش لون زي ندعوا لانتقال سلمي ومنظم
للسلطة إلخ.
بس الضغط على أوباما زاد، فراح باعت فرانك ويزنر، السفير الأمريكي
السابق في مصر واللي بيدير شركة استشارات لصالح الحكومة المصرية، علشان
يقول لمبارك: اتصرف، مش هاقدر أمسك الكونجرس ليوم الجمعة. لو ما عرفتش
تعمل حاجة ها يطلع نداء من الكونجرس بيدعوك للاستقالة. مبارك اتجنن،
وعلشان كدا ارتكب مجزرة يوم الأربعاء يمكن يخلص من شباب الثورة في ميدان
التحرير بأي شكل، وبعد كدا يبقى يلمع النظام بالراحة.
فشلت خطة مبارك، وطلع نداء الكونجرس بأغلبية صدقت على مشروع السيناتور
جون كيري عن الحزب الديموقراطي والسيناتور جون ماكين عن الحزب الجمهوري،
وتحول خطاب البيت الأبيض ووزارة الخارجية من مجرد “انتقال سلمي ومنظم”
لـ”انتقال سلطة سلمي فوراً”.، يعني مبارك يمشي حالاً.
هنا دخل عمر سليمان على الخط. عمر سليمان عمل انقلاب غير معلن على
مبارك: أمره يقيل مكتب الحزب الوطني بكل رموزه، يعني عملياً حل الحزب
الوطني، وأمره يسلمه صلاحيات تسيير البلد والمفاوضات مع المعارضة، وخلاه
يوافق على تقديم كل رموز النظام الصغار للنائب العام بتهم الفساد.
سليمان عرض على إدارة أوباما إنه يبدأ مفاوضات مع كل قوى المعارضة بما
فيهم الإخوان، وكمان مع ممثلين عن الشباب في التحرير، فراح الأمريكان
موافقين متصورين إنها خطوة إيجابية صادقة. الكارثة إن سليمان قالها علانية
بأكثر من صيغة ورا الكواليس: مفاوضات = هاقتنعكم بخطاب مبارك الآخراني
لأنه هو اللي ها يتنفذ، واللي مش عاجبه يشرب من البحر.
سياسة سليمان مشيت في اتجاهين تقدروا تفهموها من تغيرات خطاب أحمد شفيق من ساعة ما مسك:
1. منع التغطية الإعلامية الأجنبية لميدان التحرير، فطرد الصحفيين الأجانب منه ومن الفنادق اللي حواليه.
2. اعتبار كل فرد أجنبي في مصر، بما فيه السواح والإعلاميين، جواسيس بيحركوا اللي في الميدان.
3. إرهاب منظم لكل الأجانب في القاهرة: عناصر من أمن الدولة والمخابرات
بتعتقل الأجانب من بيوتهم في عز الليل وتقودهم لمراكز شرطة أو شرطة عسكرية
وهم مغميين عينيهم، وبعد كام ساعة يسيبوهم. دا خلى سواح كتير يسيبوا البلد.
4. محاصرة المتظاهرين في الميدان والتضييق عليهم من خلال قفل الطرق
الرئيسية (زي المحور) اللي بتوصل للميدان، والتعامل الأمني المبالغ فيه مع
اللي بيروحوا أو يرجعوا منه (عدم الاكتفاء بالبطاقة لتحقيق الشخصية
والتفتيش وغيره)، وتحريك مدرعات الجيش لتحجيم التظاهرات في دائرة صغيرة من
الميدان.
5. توجيه التصريحات الحكومية لتخوين ثورة 25 يناير بوسائل بروباجندا مخابرات بسيطة لكن مؤثرة مع الوقت (كنتكاي مثلاً).
6. زرع عناصر تثير الشائعات في الميدان، زي شائعة استيلاء الإخوان على الميدان.
7. تشتيت الإعلام في قضايا زي الإجراءات الدستورية، بعيد عن المطلب الرئيسي اللي ما عادش بيتكلم عنه: إسقاط نظام مبارك.
وغيرها من الإجراءات. الهدف هنا هو مسح كل صور الثورة الشعبية من شاشات
الإعلام الأمريكي، وبالتالي يقدر سليمان يحكم وهو مرتاح إن الضغط الأمريكي
راح، وأدينا شوفنا آخر تصريح لروبرت جيبس اللي قال فيه إن انتقال السلطة
لازم ياخد وقت.
سليمان هو المنقذ لنظام مبارك. لازم نستغل الإعلام العالمي في الضغط
على الإدارة الأمريكية لأنها الجهة الوحيدة اللي لو اتخلت عن نظام مبارك
مش ها يفضل له حليف وهيبقى كل اللي بينا وبينه ولاء الجيش للشعب.

اضف الى جوجل+



توقيع: الحضرى


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى بطاش العامـ :: بطاش . .للنقاشـ الجاد-

Google